Posted by Capt Tulasi Paudel on 15 April 2019

अक्सफोर्डमा बिगतका बर्षहरुमा जस्तै यस पटक पनि नेपाली नयाँ बर्षको शुभकामना साँझ 13 April 2019  का दिन भब्य रूपमा सम्पन्न भएको छ। अक्सफोर्ड एकेडेमी स्कुलको हलमा आयोजना गरिएको उक्त कार्यक्रममा करिब २७५ जना नेपाली तथा अन्य पाहुनाहरुको सहभागिता रहेको थियो। Nepalese Community Oxfordshire ले जन्मभुमि देखि धेरै टाढा भएतापनि मातृभूमि का बार्षिक विशेष दिनहरु साथै चाडपर्ब हरुलाई समयले साथ दिएसम्म निरन्तरता दिने सिलसिलामा नेपालीहरुको बार्षिक विशेष  दिन नेपाली नयाँ बर्ष एकआपसमा प्रेम, सदभाब अनि शुभकामना आदान प्रदान गर्दै भब्यताकासाथ सम्पन्न गरेको थियो।

बालबालिकाहरुलाई हाम्रो संस्कृति र परम्पराको निरन्तरता तथा चिनारी गराउने उदेश्यले कार्यक्रममा विभिन्न संस्कृति झल्काउने लोक नृत्य अनि गित संगीतहरु प्रस्तुत गरिएको थियो। संजय गुरुङ को सक्रियतामा स्टेज लाई निकै झकि झकाउ प्रकारले सजाइएको थियो भने कार्यक्रम संचालक द्वय सचिब मनिसा थापा र बिपना राहदी ले कार्यक्रम निकै रमाइलो संग प्रस्तुत गरेका थिए।

अक्सफोर्डका Shariff काउन्सिलर Craig Simmon, NCO का Patron Lawrence Lee, संस्थापक अध्यक्ष चित्र थापा तथा बर्तमान अध्यक्ष कप्तान तुलसी पौडेल द्वारा संयुक्त रूपमा पानसमा दियो बाली कार्यक्रमको उद्घाटन गरिएको थियो।अध्यक्ष तुलसी पौडेलद्वारा स्वागत मन्तब्य दिने क्रममा उपस्थित सबै लाई नेपाली नयाँ बर्षको शुभकामना दिदै उपस्थित सबैलाई कार्यक्रममा स्वागत गर्नुभएको थियो।

विशेष गरि आफ्नो समुदाय तथा हाम्रो देश नेपालको लागि कुनै सकारात्मक काम गर्नु हुने तथा सामाजिक कार्यमा ठुलो सहयोग गर्नु हुने समाजसेबीहरुलाई सम्मान अनि प्रोत्साहित गर्ने सिलसिलामा यस वर्ष Wallingford निबासी Ms Camilla Hartwing लाई LEO को तर्फबाट सक्रिय रुपमा चन्दा संकलन गरि Unite World School को सहयोगले नेपालको गुल्मी जिल्ला को हिले गाउँमा एक नयाँ  बिधालय भवन बनाई दिनु भएकोमा उहाँलाई सम्मान स्वरुप प्रमाणपत्र र खादा अक्सफोर्डका Lord Lieutenant Tim Stevenson OBE, High Sheriff of Oxfordshire – The Lady Jay of Ewelme CBE, Sheriff of Oxfordshire – Cllr Craig Simmon र NCO chairman  कप्तान तुलसी पौडेल द्वारा संयुक्त रूपमा प्रदान गरिएको थियो।

यस्तै प्रकारले कम्युनिटीमा सक्रिय रहि सामाजिक कार्यमा ठुलो सहयोग गर्नुहुने समाजसेबीहरु श्री संजय गुरुङ, भुपाल गुरुङ अनि कविता शर्मा कंडेल लाई पनि उपस्थित पाहुनाहरुको बाहुलीबाट खादा प्रदान गरिएको थियो।

कार्यक्रममा कोषध्यक्ष कबीता शर्मा कंडेल, सदस्य श्री चन्द्र राहादी, सुसिला सुर्यबंशी, एन्जेला पौडेल, शीला पौडेल, केशरी राहादी, जस्मि गुरुङ तथा अन्य Volunteer हरुको सक्रिय सहयोग रहेको थियो। यो सुमधुर साँझ सधैंको लागी अविस्मरणिय बनेको छ।

१. कार्यक्रमका केहि फोटोहरु
२. नेपाली फिल्म “क्याप्टेन” प्रदर्शनको क्रमका फोटोहरु